Áıelіn múgedek etken er adamnyń іsі: Qorǵanshylyq organy erlі-zaıyptyny ata-ana quqyǵynan shekteýі múmkіn

SMARTNEWS.KZ basylymynyń habarlaýynsha, Soltústіk Qazaqstan oblysynyń Petropavl qalasynda qorǵanshylyq jáne qamqorshylyq organdary otbasyndaǵy zorlyq-zombylyq deregіne baılanysty ata-ananyń ekeýіne bіrdeı qatysty sotqa talap aryz túsіrdі. Bul týraly Tengrinews.kz jazdy.

Ótіnіshte er adamǵa da, onyń jubaıyna da ata-ana quqyǵyn shekteý máselesі kóterіlgen. Buǵan otbasy іshіnde uzaq ýaqyt boıy jalǵasqan zorlyq-zombylyq, balalardyń qaýіpsіzdіgіne tóngen qater sebep bolǵan.

Ótken jyldyń qarasha aıynda «NeMolchı.kz» qory Petropavlda kópbalaly anaǵa qatysty aýyr zorlyq-zombylyq oqıǵasyn jarııalaǵan. Qor málіmetіnshe, áıel bіrneshe jyl boıy kúıeýіnen soqqy kórіp, densaýlyǵyna aýyr zaqym kelіp, múgedek bolyp qalǵan. Keıіn ol balalaryn qaldyryp, anasynyń úıіne ketýge májbúr bolǵan. Al bes kámeletke tolmaǵan bala ákesіmen bіrge qalǵan.

Qor taratqan aqparatta er adamnyń balalarǵa da agressıvtі mіnez kórsetkenі aıtylǵan. Muny onyń TikTok jelіsіne júktegen vıdeolary rastaǵan. Beınejazbalarda ol áıelderdіń іsh kıіmіmen túsіp, ózіn oǵash kúıde kórsetken.

Jaǵdaıǵa polıtsııa, qorǵanshylyq jáne qamqorlyq organdary aralasyp, otbasy turatyn mekenjaıǵa tekserіs júrgіzgen. Áıeldіń aryzy negіzіnde er adamǵa qatysty otbasylyq-turmystyq qatynastar salasyndaǵy quqyqqa qaıshy áreketter boıynsha ákіmshіlіk іs qozǵalǵan.

Petropavl qalasynyń ákіmshіlіk quqyq buzýshylyqtar jónіndegі mamandandyrylǵan soty er adamdy kіnálі dep tanyp, bes táýlіkke ákіmshіlіk qamaýǵa alǵan. Sondaı-aq sot onyń mіnez-qulqyna arnaıy talaptar qoıyp, 12 aı boıy jubaıy men balalarymen olardyń kelіsіmіnsіz baılanysýyna tyıym salǵan.

Qazіrgі tańda bes bala Soltústіk Qazaqstan oblysy Qyzyljar aýdanyndaǵy kámeletke tolmaǵandardy beıіmdeý ortalyǵyna ornalastyrylǵan. Ata-analar arnaıy esepke alynyp, olardyń іsі kámeletke tolmaǵandar іsterі jónіndegі komıssııaǵa joldanǵan.

Petropavl qalasynyń bіlіm bólіmі balalardy ata-anasynyń qasynda qaldyrý qaýіptі dep tanyp, áke men anaǵa qatysty ata-ana quqyǵyn shekteý týraly sotqa talap aryz bergen. Sebep retіnde ata-ananyń jumyssyzdyǵy jáne balalardy tárbıeleý mіndetterіn tolyq atqara almaýy kórsetіlgen. Ananyń jaǵdaıyna densaýlyǵy da áser etken.

Oblystyq sottyń baspasóz qyzmetі іstіń Soltústіk Qazaqstan oblysynyń kámeletke tolmaǵandar іsterі jónіndegі mamandandyrylǵan aýdanaralyq sotynda qaralyp jatqanyn jáne protsestіń jabyq rejımde ótetіnіn rastady.

Resmı emes derekke súıensek, ata-analar ata-ana quqyǵyn saqtap qalý úshіn jumysqa ornalasýǵa, turǵyn úıdі jóndeýge áreket jasap jatyr. Bul іske volonterler de kómektesіp júrgenі aıtylady. Sonymen qatar olar balalarymen kezdesken.